شیخ چلی ایک مشہور آدمی گزرا ہے جس کی بے وقوفی کی کہانیاں أپ نے بھی سنی ہوں گی۔ پیارے بچو! آج ہم اس کی حماقت سے بھرپور کہانی سناتے ہیں۔

کسی گاؤں میں ایک بڑھیا رہتی تھی جس کا ایک ہی بیٹا تھا۔جس کا نام چلی تھا۔ وہ بہت کام چور،بے وقوف،سست اور کاہل تھا۔ اسے بس ایک ہی کام آتا تھا،شیخی بگھارنے کا۔ جہاں چند لوگوں کو اکٹھے بیٹھے دیکھتا۔ ان کے قریب جا کر خود بھی بیٹھ جاتا اور انہیں گفتگو کا موقع دیئے بغیر ۔ اپنے جھوٹے سچے کارنامے بیان کرنے لگتا۔

آپ نے ایک ہفتے بعد اس دنیا سے کوچ کر جانا ہے۔ اپنی موت کا خیال کریں“۔ یہ سننا تھا کہ بے وقوف شیخ چلی کو ایک ہفتے بعد اپنی موت کا یقین ہو گیا۔

   اس نے اس کی تیاری شروع کر دی۔ پہلے اس نے قبر کھدوائی اور اس میں جا کر لیٹ گیا۔ چھ دن گزر گئے،کچھ نہ ہوا، ساتویں روز شیخ چلی نے سوچا۔  کہ یہ اس شخص کے بتائے ہوئے ایک ہفتے کا آخری دن ہے۔ شاید اب موت کا فرشتہ آنے والا ہے۔

وہ یہ سوچ ہی رہا تھا کہ اس کے کان میں آواز پڑی”اگر کوئی اللہ کا نیک بندہ،انڈے کی ٹوکری میرے گھر پہنچا دے۔  تو میں اسے اجرت میں ایک اشرفی دوں گا“۔

شیخ چلی اشرفی کا نام سن کر قبر سے باہر نکل آیا اور انڈے کی ٹوکری اٹھا کر سر پر رکھ لی۔  یہ دیکھ کر ٹوکری کے مالک نے کہا،”شیخ صاحب،ذرا سنبھال کر لے جانا۔ انڈے ٹوٹنے نہ پائیں،ورنہ ایک دمڑی بھی نہیں دوں گا،الٹا ہرجانہ لے لوں گا“۔

شیخ چلی بڑے غرور سے بولا،میاں صاحب!میں شیخ چلی ہوں ۔ کوئی چھوٹا موٹا شخص نہیں ہوں،پورا گاؤں مجھے جانتا ہے“،یہ کہہ کر وہ انڈے کی ٹوکری لے کر چل پڑا۔